Kaupþing gefur út skuldabréf í jenum
Setja bókamerki
Kaupþing hefur hefur gefið út svokölluð samúræjabréf, skuldabréf útgefin í japönskum jenum, fyrir 28 milljarða jena, 14,3 milljarða króna. Í gær var greint frá því að Kaupþing hafi gefið út víkjandi skuldabréf að fjárhæð 250 milljóna evra, rúmlega 21 milljarð króna. Bréfin bera 6,75% fasta vexti og eru ekki með lokagjalddaga en eru innkallanleg af hálfu Kaupþings að fimm árum liðnum.
Samkvæmt upplýsingum frá Bloomberg gaf Kaupþing nú út þrjú bréf; þriggja ára bréf að verðmæti 10 milljarðar jena með 1,65% vöxtum, 5 milljarða jena fimm ára bréf með 1,99% vöxtum og 13 milljarða jena fimm ára bréf með fljótandi vöxtum. Þetta kemur fram í Vegvísi Landsbankans.
Árið 2006 voru alls gefin út samúræjabréf fyrir 741 milljarð jena en í ár er þegar búið að gefa út bréf að verðmæti 1.259 milljarða jena, samkvæmt Vegvísi Landsbankans.
„Vextir hafa almennt farið hækkandi í heiminum sem gerir það að verkum að fyrirtæki leita eftir lægri vöxtum í löndum á borð við Japan þar sem vextir eru lágir," samkvæmt Vegvísi Landsbankans.
Gerðu umfangsmiklar loftárásir á Líbabon
Óánægja er með áform um efnistöku
Búið að fella björninn
Grænlendingar vildu ekki fá björninn til baka
Of margir nemendur og ákall um hæft starfsfólk
Vangaveltur gengu lengra en innistæða var fyrir
Óvenjuleg tilkynning: 19 í gæsluvarðhaldi