Viðræður hjá Alitalia

Ítalska ríkisstjórnin heldur í dag fundi með fjárfestum og verkalýðsfélögum og fer yfir áætlanir um að bjarga Alitalia flugfélaginu. Félagið stefnir í að þurfa að hætta rekstri vegna skorts á eldsneyti og fjármagni.

Hugsanlegar björgunaraðgerðir fela í sér að selja fjárfestum arðvænlegar eignir félagsins sem nemur 128 milljörðum íslenskra króna um leið og laun verða lækkuð og uppsagnir taka gildi.

Ítalska stjórnin hóf milligöngu í þessu máli er beinar viðræður félagsins við verkalýðsfélög báru ekki árangur á föstudaginn.

Telur félagið að hægt sé að halda rekstrinum áfram með því að segja um 5 þúsund manns upp störfum af þeim 20 þúsund sem þar starfa sem og að gefa út nýja samninga með lægri launum.

• 1 blogg um fréttina

Bloggað um fréttina

• Haraldur Bjarnason: Ekki hætta á að Flugfélag Íslands fari á hausinn