Verg landsframleiðsla dróst saman um 0,1% á þriðja ársfjórðungi í OECD ríkjunum. Er þetta í fyrsta skipti í sjö ár sem um samdrátt er að ræða á svæðinu samkvæmt upplýsingum frá efnahags- og framfarastofnuninni.
Í Bandaríkjunum nam samdrátturinn 0,1% og hefur landsframleiðslan ekki dregist þar saman í sjö ár. Í Japan var samdrátturinn 0,1% en hann var 0,9% á öðrum ársfjórðungi. Á evru-svæðinu var samdrátturinn 0,2%, sá sami og í fjórðungnum á undan.
Ef litið er til sjö helstu ríkja innan OECD er Frakkland eina landið þar sem verg landsframleiðsla jókst á þriðja ársfjórðungi eða um 0,1%. Í Þýskalandi, Ítalíu og Bretlandi er samdrátturinn 0,5% en á sama tímabili í fyrra var aukningin mest í Þýskalandi og Bandaríkjunum eða 0,8%