Heldur dregur úr olíuverðshækkun

Verð á hráolíu hefur farið niður fyrir 53 dali tunnan í Asíu í morgun eftir að hafa hækkað um 4,57 dali tunnan í 54,50 dali á NYMEX markaðnum í New York í gærkvöldi. Í rafrænum viðskiptum í morgun hefur tunnan lækkað um 1,68 dali í 52,82 dali. Í Lundúnum hefur Brent Norðursjávarolía lækkað um 1,81 dal tunnan í 52,12 dali í morgun.

Það sem einkum skýrir hækkunina í gær er tilkynning fjármálaráðuneytis Bandaríkjanna að stjórnvöld myndu koma bandaríska bankanum Citigroup til bjargar. Áður en tilkynnt var um björgunina óttuðust fjárfestar að bankinn myndi riða til falls. Hlutabréfamarkaðir lækkuðu niður úr öllu valdi og verð á hráolíu fór í rúma 49 dali tunnan, sem er lægsta hráolíuverð í tæp þrjú ár.

• 1 blogg um fréttina

Bloggað um fréttina

• Reynir W Lord: N1 dýrastir eins og venjulega og ekki nóg með það.