Fasteignasjóðir ætla að greiða háa kaupauka

Alls fá yfir 7600 starfsmenn kaupauka á næstu 18 mánuðum og hafa þegar um 50 milljónir dala verið greiddar að því er kemur fram í bréfi, sem bandarísk ríkisstofnun hefur sent Charles Grassley, öldungadeildarþingmanni.

James Lockhart, forstjóri ríkisstofnunarinnar, segir í bréfinu að nauðsynlegt sé að greiða þessa kaupauka til að tryggja að starfsfólkið starfi áfram hjá sjóðunum tveimur.

Bandaríska ríkið hefur kostað til allt að 200 milljörðum dala til að yfirtaka lánasjóðina tvo sem eru með um 40% af öllum fasteignalánum í Bandaríkjunum.

Fyrir skömmu varð mikið uppnám í Bandaríkjunum þegar upplýst var að tryggingafélagið AIG, sem einnig hefur verið þjóðnýtt, væri að greiða um 165 milljónir dala í kaupauka til starfsmanna. 

• 2 blogg um fréttina

Bloggað um fréttina

• Jakob Þór Haraldsson: Frjálshyggjan er ótrúleg!
• Jakob Falur Kristinsson: Bónusar