Örlög SPM sorgleg
Setja bókamerki
Sveinbjörn Eyjólfsson, oddviti Framsóknarflokksins í sveitarstjórn Borgarbyggðar, segir sorglegt hvernig komið sé fyrir Sparisjóði Mýrasýslu. Hún hafi hins vegar ekki komið á óvart því ljóst hafi verið hvert stefndi um nokkurn tíma. „Staða sjóðsins síðasta sumar gaf fullt tilefni til að láta sparisjóðsstjórann fara,“ segir Sveinbjörn.
Laun Gísla Kjartanssonar, sparisjóðsstjóra SPM, og uppgjör vegna lífeyrisskuldbindinga við hann námu tæplega 121 milljón í fyrra og 23,3 milljónum á árinu 2007. Gísli lét af störfum í september og Bernhard Þór Bernhardsson tók við. Laun hans á síðasta ári námu 15,8 milljónum króna, en þar með teljast laun hans hjá sparisjóðnum áður en hann tók við sem sparisjóðsstjóri.
Í ársreikningnum kemur einnig fram, að skuldir sparisjóðsstjóra við SPM hafi í árslok numið 31,6 milljónum króna, en staðan ári fyrr nam 32,6 milljónum.
Lengi hefur styrr staðið um SPM í byggðarlaginu og á borgarafundi, sem haldinn var í fyrra, kom fram megn óánægja íbúa Borgarbyggðar með stjórn sparisjóðsins.
Óvenjuleg tilkynning: 19 í gæsluvarðhaldi
Björninn sagður nálægt byggð
Davíð Viðarsson var skyndihugdetta
„Hví erum við dýrasta land í heimi?“
Hætta vegna jarðfalls í sprungur metin töluverð
Of margir nemendur og ákall um hæft starfsfólk
Tveir í haldi grunaðir um mansal og smygl á fólki
Glæpastarfsemi orðin mun skipulagðari