Olíubirgðir minnkuðu umtalsvert

Olíuverð hefur lítið breyst í dag þrátt fyrir tölur, sem birtar voru í dag og sýndu að hráolíubirgðir í Bandaríkjunum minnkuðu um 4,7 milljónir tunna í síðustu viku. Þessar tölur komu á óvart en sérfræðingar segja að dregið hafi mjög úr eftirspurn þar í landi.

Verð á hráolíutunnu fór í 60,08 dali á markaði í Bandaríkjunum í gær og hafði þá ekki verið hærra í hálft ár. Það lækkaði heldur í dag og var 58,91 dalur tunnan.

Í Lundúnum seldist tunnan af Brent Norðursjávarolíu á 57,94 dali. 

• 1 blogg um fréttina

Bloggað um fréttina

• Jón Lárusson: Tækifæri til aukinnar erlendrar fjárfestingar