Sænskir bankar, sem eru stærstu lánveitendur Eystrasaltslandanna, gætu verið að stofna í hættu björgunaraðgerðum í Lettlandi, með því að láta útibúin í landinu ekki fá fé til útlána, samkvæmt vinnuskjali frá framkvæmdastjórn Evrópusambandsins og Bloomberg greinir frá.
Merki er um að dótturfélög sænskra banka séu að endurgreiða móðurfélögum lán, sem skapar verulegt útflæði á evrum, samkvæmt vinnuskjalinu.
Björgunaraðgerðum í Lettlandi er stefnt í hættu, ef evrur eru þurrkaðar úr landinu, segir í skjalinu.
Sænskir bankar þurfa að auka útlán í Lettlandi, svo landið geti unnið sig úr efnahagskrísunni, að því er fram kemur í fréttinni.
Talsmaður sænska bankans SEB, næststærsta lánveitenda Eystrasaltslandanna, þykir vinnuskjalið hljóma eins og eintómar getgátur.