Hreiðar Már til Lúx

Hreiðar Már Sigurðsson, fyrrverandi forstjóri Kaupþings, er að flytja til Lúxemborgar. Hreiðar mun opna skrifstofu ráðgjafarfyrirtækisins Consolium ytra en fyrirtækið stofnaði hann í fyrrahaust ásamt samstarfsmönnum úr Kaupþingi. Þetta kemur fram í Fréttablaðinu í dag.

Það veitir ráðgjöf til fjármálastofnana og fyrirtækja. Hreiðar segist flytja utan á næstunni og setjast að í Lúxemborg ásamt fjölskyldu sinni.

Hjá fyrirtækinu starfa fimm manns um þessar mundir og líklega mun þeim fjölga á næstunni. „Við höfum hóflegar væntingar um vöxt fyrirtækisins," segir Hreiðar, í samtali við Fréttablaðið.

• 1 blogg um fréttina

Bloggað um fréttina

• Sigurður Sigurðsson: Snýst þessi RÁÐGJÖF um að skuldsetja þjóðir og koma þeim …