Arion fær tilboð um 1998
Setja bókamerki
Arion banki segist hafa tekið við tilboði frá Jóhannesi Jónssyni, kaupmanni, erlendum fjárfestum og stjórnendum Haga um fjárhagslega endurskipulagningu 1998 ehf., móðurfélags Haga. Að sögn bankans kemur ekki til neinna afskrifta skulda 1998 samkvæmt tilboðinu.
Í tilkynningu segist bankinn þurfa að taka sér tíma til að meta tilboðið og bera saman við aðra kosti í stöðunni þar sem málið sé flókið. Það sé í samræmi við þá meginreglu bankans að leita lausna á skuldavanda fyrirtækja með eigendum og stjórnendum. Niðurstöðu varðandi tilboðið sé að vænta um miðjan janúar.
„Starfsfólk bankans áréttar að í þessu máli er unnið eftir verklagsreglum bankans sem eru í samræmi við lög um aðgerðir í þágu einstaklinga, heimila og fyrirtækja vegna banka- og gjaldeyrishrunsins, sem nýverið voru samþykkt á Alþingi," segir í tilkynningu Arion.
Ræddu við skólasystkini stúlkunnar í dag
Saka Ísraela um fjöldamorð
„Staðan er grafalvarleg“
Vaxtahækkanir flýti fyrir því að þenslan minnki
Quang Le: „Ég gerði ekkert rangt“
„Hann skók húsið aðeins“
Sýklalyfjaónæmi vaxandi vandamál