Engin áhrif á almenna starfsemi Byrs

Húsleit embættis sérstaks saksóknara hjá sparisjóðonum Byr í dag, hefur engin áhrif á almenna starfsemi eða viðskiptavini Byrs sparisjóðs. Ennfremur hefur stjórn sjóðsins farið þess á leit við starfsfólk að það sýni embætti sérstaks saksóknara fullan samstarfsvilja og veiti því allar þær upplýsingar sem embættið kann að óska eftir. Þetta kemur fram í fréttatilkynningu frá stjórninni.

Segir þar að léttir sé fyrir starfsfólk og stjórn að málið sé í farvegi og að það fólk vonist til að óvissu um málefni Exeter Holding ljúki sem fyrst.

Gerð var húsleit á vegum embættis sérstaks saksóknara í höfuðstöðvum Byrs í Borgartúni. Tilefni húsleitarinnar var skoðun embættisins á málefnum Exeter Holdings, einkahlutafélags sem keypti stofnbréf í Byr með láni frá sparisjóðnum. 

• 1 blogg um fréttina

Bloggað um fréttina

• Einar Guðjónsson: Peningahirslurnar hvort eð er löngu tómar