VBS lánaði brotamanni

Engilbert Runólfsson var meðal stærstu eigenda að félaginu Ferjuholti ehf. sem fékk lán hjá VBS fjárfestingabanka til kaupa á tæplega 200 hekturum úr landi í Flóanum snemma árs 2007.

Greint er frá því í Sunnlenska fréttablaðinu að Engilbert hafi fengið ákærur og dóma í málum vegna innflutnings á fíkniefnum, fjárdráttar, skjalafals, aksturs undir áhrifum áfengis og fíkniefna og fleira, en afbrotaferill Engilberts nær aftur til ársins 1991. Í nokkrum tilfellum hefur hann hlotið refsivist og setið til lengri tíma í fangelsi.

Upphæð upprunalegs veðskuldabréfs er liðlega 1.145 milljónir króna. Bankinn hefur gefið út bréf með veði í landinu fyrir rúma 2,8 milljarða króna.

Nánar í Morgunblaðinu í dag.