Hluti stofnfjárframlags til Sjóvár var veð í sundlaug

Skuldabréf tryggt með veði í umdeildri sundlaug á Álftanesi er hluti eignasafns sem íslenska ríkið lagði Sjóvá til, svo rekstur félagsins gæti haldið áfram.

Þessar upplýsingar koma fram í yfirliti stofnhlutafjár SA Trygginga hf., sem voru stofnaðar á rústum gömlu Sjóvár sem varð gjaldþrota á síðasta ári.

Skuldabréfið er að fjárhæð tæplega 865 milljónir króna og er útgefið af Eignarhaldsfélaginu Fasteign sem leigir sveitarfélaginu Álftanesi sundlaugina fyrir hundruð milljóna á ári.

Meðal annarra eigna sem voru lagðar inn í Sjóvá var 6,2 milljarða skuldabréf á Askar Capital sem hefur þegar gengið í gegnum nauðasamninga.

Sjá nánari umfjöllun og frekari upplýsingar um þetta mál í Morgunblaðinu í dag.