Eign Kjalars í HB Granda háð niðurstöðu dómstóla

Eign fjárfestingafélagsins Kjalars í útgerðarfyrirtækinu HB Granda er háð niðurstöðu dómstóla í málaferlum félagsins gegn Arionbanka vegna gjaldeyrisskiptasamninga sem félagið gerði við gamla bankann.

Þetta segir Hjörleifur Jakobsson, forstjóri Kjalars, í samtali við Morgunblaðið. „Ef Kjalar vinnur málið heldur félagið hlutnum í HB Granda, en ef málið tapast tekur Arionbanki hlutinn,“ segir hann.

Kjalar á 33,3% hlut í HB Granda, en félagið keypti hlutinn af Kaupþingi í mars 2007 á ríflega sjö milljarða króna. Félagið fjármagnaði kaupin í erlendri mynt. „Við vörðum okkur þó að fullu vegna gengisbreytinga á íslensku krónunni,“ segir Hjörleifur.

Sjá nánar um þetta mál í Morgunblaðinu í dag.