Verðbólgan nú 8,3%

Vísitala neysluverðs hækkaði um 0,25% milli mars og apríl samkvæmt mælingum Hagstofunnar. Vísitala neysluverðs án húsnæðis hækkaði um 0,26% frá mars. Verð á mat og drykkjarvörum hækkaði um 1,1% milli mánaða.

Síðustu 12 mánuði hefur vísitalan hækkað um 8,3% en án húsnæðis um 11,3%. Undanfarna þrjá mánuði hefur vísitala neysluverðs hækkað um 2% sem jafngildir 8,1% verðbólgu á ári en 11,1% án húsnæðis.

Vísitalan er nú birt á nýjum grunni og byggist hann á niðurstöðum úr útgjaldarannsókn Hagstofunnar árin 2006-2008. Auk hennar hefur Hagstofan notað ýmsar nýrri heimildir við vinnslu grunnsins. Má þar nefna tölur um nýskráningar bifreiða og gögn um veltu á smásölumarkaði.

Innbyrðis vægi dagvöruverslana hefur verið endurskoðað. Þá hefur tillit verið tekið til breytts innkaupamynsturs árið 2009 og eru áhrif þeirrar breytingar 0,03% til lækkunar á vísitölunni. Að öðru leyti veldur endurnýjun grunnsins sem slík ekki breytingum á vísitölunni milli mars og apríl.

Breytt hefur verið um aðferð við útreikning vísitölu fyrir kaup á nýjum bílum og eru undirvísitölur nú reiknaðar sem afburðavísitölur. 

• 1 blogg um fréttina

Bloggað um fréttina

• Tómas Ibsen Halldórsson: Verðbólgan er 3% en ekki 8,3% ef gamlar reiknisaðferðir eru …