Neyddist til að segja sig úr stjórnum
Setja bókamerki
Jón Ásgeir Jóhannesson segir í greinargerð, sem hann lagði fyrir breskan dómstól vegna kyrrsetningarmáls slitastjórnar Glitnis, að hann hafi verið beðinn um að segja sig úr stjórnum bresku verslunarkeðjanna Iceland og House of Fraser vegna málsins.
Jón Ásgeir segir, að þegar krafa um kyrrsetningu eigna hans var lögð fram í maí hafi hann verið í stjórn Highland Group Holdings, og dótturfélagins Highland Acquisitions Limited en helsta eign síðarnefnda félagsins er verslunarkeðjan House of Fraser.
Segir Jón Ásgeir, að honum hafi verið tilkynnt, að í það minnsta einum reikningi House of Fraser hjá Lloyds TSB hafi verið lokað vegna kyrrsetningarinnar. Þá hafi hann verið beðinn um að segja sig úr stjórnum félaganna tveggja og honum gert ljóst, að ella myndu hluthafar víkja honum úr stjórninni.
Jón Ásgeir var einnig stjórnarformaður Iceland Foods þegar þetta var. Landsbankinn, sem er stærsti hluthafi Iceland, bað hann um að segja sig úr stjórn félagsins og hann hafi fengið að vita, að ella myndi Landsbanki krefjast þess að honum yrði vikið úr stjórninni.
Jón Ásgeir segir, að slitastjórn Glitnis hefði átt að vera ljóst, að kyrrsetningarkrafan myndi hafa alvarlegar afleiðingar fyrir hann.
Mennirnir í haldi lögreglunnar á Suðurnesjum
Braut gegn konum í Eyjum
Tímaspursmál hvenær framleiðslu verði hætt
Kærir teiknara Vísis til siðanefndar
Fann bein og tönn úr dýrum í sprungunni
„Bíð bara eftir að það fari að gjósa aftur“
„Ég hélt ég myndi deyja, með dóttur mína í bílnum“