Facebook 6500 milljarða virði?
Setja bókamerki
Rúmlega 100 þúsund hlutir í samskiptavefnum Facebook voru nýlega settir í sölu á netmarkaðnum Sharepost. Að sögn vefjarins Business Insider seldust hlutirirnir á 25 dali hver og samkvæmt því má áætla að markaðsvirði Facebook væri 56 milljarðar dala, jafnvirði 6500 milljarða króna.
Facebook er ekki skráð á hlutabréfamarkaði og því er erfitt að leggja mat á hvert raunverulegt virði fyrirtækisins er.
Viðskiptatímaritið Forbes segir, að lægsta verð, sem fékkst fyrir hlutabréfin á Sharepost hafi verið 23 dalir. Haft er eftir seljandanum að það verð sé 77% hærra en það sem hann greiddi fyrir bréfin fyrir þremur mánuðum.
Sharespost segir, að gríðarlegur áhugi hafi verið fyrir hlutabréfunum og að fleiri hlutir verði seldir á næstunni.
Business Insider hafði í vikunni eftir sérfræðingi, að Facebook gæti vel orðið 200 milljarða dala virði árið 2015 og að tekjur fyrirtækisins kunni að ná 32 milljörðum dala.
Búið að fella björninn
Eina leiðin var að fella björninn
Grænlendingar vildu ekki fá björninn til baka
Mikill útflutningur frá Vestfjörðum
Vendingar vestanhafs geti haft áhrif hér heima
Komu saman á kyrrðar- og bænastund
Algeng laun 1,4 til 2,2 milljónir