Neita að lækka vexti Íra

Ríki á evrusvæðinu svonefnda neituðu í gærkvöldi að lækka vexti á neyðarlánum, sem Írar fá hjá Evrópusambandinu og Alþjóðagjaldeyrissjóðnum. 

Herman Van Rompuy, forseti Evrópusambandsins, sagði eftir leiðtogafund í Brussel í gærkvöldi, að Írland hefði ekki uppfyllt öll þau skilyrði, sem sett hefðu verið fyrir því að lækka vextina.

Enda Kenny, nýr forsætisráðherra Íra, sagðist myndu berjast áfram fyrir því að fá vextina lækkaða en þeir eru 5,8%. Alls nema lánin 67,5 milljörðum evra. 

Kenny sagði að Nicolas Sarkozy, forseti Frakklands, hefði krafist þess að skattar á írsk fyrirtæki yrðu hækkaðir til samræmis við skatta í öðrum evruríkjum.

• 4 blogg um fréttina

Bloggað um fréttina

• Björn Indriðason: Og við erum að reyna að ganga í þetta rugl.
• Sigurjón Benediktsson: Sannir vinir í raun!
• Geir Ágústsson: Af hverju að lækka vextina?
• Gunnar Heiðarsson: Svona er að vera í ESB