Ósanngjarnt að skattborgarar greiði allt

Forsætisráðherra Írlands, Enda Kenny, segir það stórkostlega ósanngjarnt að skattborgarar eigi einir að bera kostnaðinn af björgun þarlendra banka og vill að vextir á neyðarlánum Evrópusambandsins og Alþjóðagjaldeyrissjóðsins verði lækkaðir.

Kenny er nú í Washington í Bandaríkjunum að reyna að lappa upp á laskað orðspor Írlands. Ástæðan fyrir því að hann vill lægri vexti á lánunum er að hann vill forðast ástand þar sem Írland muni bogna undan skuldabyrðinni og þar með ekki geta aukið hagvöxt í landinu.

„Það er stórkostlega ósanngjarnt að ætlast til þess að skattborgarar borgi 100 prósent kostnaðarins sem er til kominn vegna óábyrgrar útlánastefnu bankanna,“ sagði Kenny í samtali við Bloomberg fréttastofuna.

• 2 blogg um fréttina

Bloggað um fréttina

• Sigríður Laufey Einarsdóttir: Enda Kenny vill bjarga þjóð sinni - en Jóhanna forsætisráðherra?
• Ómar Geirsson: Uppreisn skattborgaranna er hafin.