Seðlabanki Hvíta-Rússlands hefur ákveðið að hækka stýrivexti sína um tvö prósentustig í 18 prósent. Er stýrivaxtahækkunin liður í baráttunni við verstu efnahagskreppu sem riðið hefur landið.
Í gær braut lögregla í Minsk niður mótmæli en um eitt þúsund manns komu saman í miðborginni til þess að mótmæla ástandi mála í landinu. Verð á matvælum og annarri nauðsynjavöru hefur hækkað mikið í Hvíta-Rússlandi að undanförnu og gjaldmiðill landsins stendur höllum fæti.