Botninum ekki náð

Byggingarvörumarkaðurinn hefur ekkert batnað síðustu misseri að því er forstjórar tveggja stærstu byggingarvöruverslana landsins segja.

Sigurður Arnar Sigurðsson, forstjóri Húsasmiðjunnar, segir að botninum sé ekki náð á byggingarvörumarkaðnum almennt og segir skorta stórframkvæmdir hins opinbera og einkaaðila.

Í umfjöllun um byggingavörumarkaðinn í Morgunblaðinu í dag segir Sigurður Arnar að viðskiptavinirnir séu fleiri en viðskipti minni og stærri sölur séu horfnar.

Guðmundur H. Jónsson, forstjóri BYKO, sér ekki fyrir sér vöxt í þessum geira og að leitað verði fleiri leiða til hagræðingar.