Enn líf í fasteignamarkaði

Fjöldi þinglýstra kaupsamninga á höfuðborgarsvæðinu 24. júní til og með 30. júní 2011 var 95, að því er kemur fram í tölum frá Þjóðskrá. Þar af voru 69 samningar um eignir í fjölbýli, 22 samningar um sérbýli og 4 samningar um annars konar eignir en íbúðarhúsnæði. Heildarveltan var 2.554 milljónir króna og meðalupphæð á samning 26,9 milljónir króna.

Á sama tíma var 7 kaupsamningum þinglýst á Suðurnesjum. Þar af voru 2 samningar um eignir í fjölbýli, 4 samningar um sérbýli og 1 samningur um annars konar eignir en íbúðarhúsnæði. Heildarveltan var 114 milljónir króna og meðalupphæð á samning 16,3 milljónir króna.

Þá var 13 kaupsamningum þinglýst á Akureyri. Þar af voru 5 samningar um eignir í fjölbýli og 8 samningar um sérbýli. Heildarveltan var 340 milljónir króna og meðalupphæð á samning 26,1 milljón króna. Einnig var 1 kaupsamningi þinglýst á Árborgarsvæðinu. Hann var um sérbýli. Upphæð samningsins var 29,9 milljónir króna.

• 2 blogg um fréttina

Bloggað um fréttina

• Örn Gunnlaugsson: Hverjir eru að eiga viðskipti?
• Púkinn: Samsæriskenning um fasteignamarkaðinn