Grikkir fá 3,2 milljarða dala

Stjórn Alþjóðagjaldeyrissjóðsins samþykkti í kvöld að greiða gríska ríkinu 3,2 milljarða dala lán. Er þetta hluti lánafyrirgreiðslu, sem sjóðurinn og Evrópusambandið samþykktu að veita Grikkjum.

Búist var við þessari niðurstöðu eftir að fjármálaráðherrar evruríkjanna samþykktu í síðustu viku að greiða Grikkjum hluta af láninu. Alls samþykktu Evrópusambandið og Alþjóðagjaldeyrissjóðurinn á síðasta ári að veita Grikkjum 110 milljarða evra lán. 

Framkvæmdastjórn Alþjóðagjaldeyrissjóðsins sagði í kvöld, að stjórnvöld í Grikklandi hefðu náð ákveðnum árangri í umbótastarfi og búast mætti við hagvexti í landinu á ný á fyrri hluta næsta árs. 

• 1 blogg um fréttina

Bloggað um fréttina

• Sigurður Haraldsson: Hvað er að?