Fitch lækkar einkunn Ítalíu og Spánar

Matsfyrirtækið Fitch fylgdi í dag í fótspor Standard & Poor's og Moody's og lækkaði lánshæfiseinkunn ítalska ríkisins um eitt þrep. Er einkunn þess nú A+ með neikvæðum horfum hjá Fitch. Fyrri einkunn var AA-.

Segir í tilkynningu frá Fitch að lækkunin endurspegli alvarlega stöðu mála á evru-svæðinu og hættuna á efnahagslegu og fjármálalegu áfalli.

Eins lækkaði Fitch lánshæfiseinkunn spænska ríkisins um tvö þrep og er einkunn landsins nú AA- með neikvæðum horfum. 

Aftur á móti staðfesti Fitch lánshæfiseinkunn portúgalska ríkisins BBB- með neikvæðum horfum.

• 1 blogg um fréttina

Bloggað um fréttina

• Ólafur Gíslason: Að kuna ekki stafsetningu....