Mikil lækkun í morgunsárið
Setja bókamerki
Þýska DAX 30 hlutabréfavísitalan lækkaði um 3,37% nú skömmu eftir að viðskipti hófust í kauphöllinni í Frankfurt í morgun vegna ótta fjárfesta um stöðu mála á evru-svæðinu eftir að forsætisráðherra Grikklands boðaði þjóðaratkvæðagreiðslu vegna niðurskurðaráætlunar stjórnvalda.
„Hvað gerist ef fólk segir nei? Hættan á að alþjóðasamfélagið snúi baki við fjármögnun Grikklands og að landið yfirgefi evruna," segir Christoph Weil sérfræðingur hjá Commerzbank. Hann segir að slíkar vangaveltur hafi áhrif á fjárfesta.
Í París lækkaði CAC vísitalan um 3,68% í morgunsárið í kjölfar frétta af þjóðaratkvæðagreiðslu meðal Grikkja. Helstu bankar í Frakklandi lækkuðu um 10-12% enda óttast margir hvað gerist ef Grikkir fella samkomulagið um björgun landsins.
Spænsk hlutabréf hafa lækkað um tæp 3% í morgun og á Ítalíu hefur FTSE Mib vísitalan lækkað um 3,12%.
Telur kappræður hafa skipt sköpum fyrir fylgið
„Ekki við hæfi að blanda sér í umræðu um ritstjórn RÚV“
Eldgos eða kvikuinnskot yfirvofandi
Baldur hefur ekki áhyggjur
Starfsmaður SÍ grunaður um fjárdrátt
Ákall eftir forseta án tengsla við valdöfl og fjármálakerfi
Þyrla kölluð út vegna umferðarslyss