Töluverð hækkun á olíuverði

Heimsmarkaðsverð á olíu hækkaði í dag vegna fyrirhugaðra refsiaðgerða gagnvart Íran sem meðal annars bitna á írönskum olíufyrirtækjum.

Hins vegar höfðu fréttir af minni hagvexti í Bandaríkjunum þau áhrif að heldur dró úr hækkunum á olíuverði.

Í New York hækkaði verð á hráolíu til afhendingar í janúar um 1,09 Bandaríkjadali og er 98,01 dalur tunnan.

Í Lundúnum hækkaði verð á Brent Norðursjávarolíu um 1,81 dal og er 109,03 dalir tunnan.

• 1 blogg um fréttina

Bloggað um fréttina

• Steinar Þorsteinsson: Verðmyndun.