Alþjóðlega matsfyrirtækið Standard & Poor's hefur ákveðið að lækka landshæfiseinkunn Spánar samkvæmt fréttavef Bloomberg-fréttaveitunnar en tilkynning þess efnis barst frá fyrirtækinu í dag. Einkunn Spánar er lækkuð úr A í BBB+.
Í tilkynningunni koma fram áhyggjur af því að Spánverjar geti veitt bankakerfi landsins nauðsynlegan stuðning samhliða því sem efnahagsástandið innan þess fer versnandi.
Lánshæfiseinkunn Spánar vegna skammtímaskuldbindinga var einnig lækkuð úr A-1 í A-2 og horfum vegna langtímaskuldbindinga breytt í neikvæðar.