Útflutningsframleiðslan jókst um 7,8%

Út er komið ritið Útflutningur og útflutningsframleiðsla sjávarafurða 2011 hjá Hagstofu Íslands. Í ritinu kemur m.a. fram að á árinu 2011 nam verðmæti útflutningsframleiðslu sjávarafurða rúmum 256 milljörðum króna og jókst um 7,8% frá fyrra ári. Er þar um að ræða samtölu útflutnings og birgðabreytinga sjávarafurða. Framleiðslan mæld á föstu verði jókst um 10,3%.

Fluttar voru út sjávarafurðir að verðmæti 252 milljarðar króna og jókst verðmæti þeirra milli ára um 14,1% og í magni um 6,4%. Árið 2011 voru flutt út 672 þúsund tonn samanborið við 632 þúsund tonn árið áður.

Frystar afurðir skiluðu 57% af heildarútflutningsverðmæti. Af einstökum afurðum vó verðmæti heilfrysts makríls mest, 24 milljarðar króna. Af heildarútflutningi sjávarafurða fóru 72% til Evrópska efnahagssvæðisins, 8,8 % til Asíu og 4,9% til Afríku.

Sjá ritið hér.

• 1 blogg um fréttina

Bloggað um fréttina

• Haraldur Haraldsson: Útflutningsframleiðslan jókst um /Svona er þetta og svo vill fólkið …