Stórfjölgun bílaleigubíla

Skráðum bílaleigubifreiðum fjölgaði um tæplega 2300 milli apríl og júní samkvæmt tölum frá Umferðastofu. Er það um 30% aukning á aðeins 2 mánuðum. Mikil fjölgun hefur verið á leigubifreiðum hérlendis síðustu árin, en þetta er stærsta einstaka hækkunin sem hefur orðið og ef miðað er við sama tíma í fyrra var fjölgunin um 1000 bílar. Bæði er um að ræða nýja bíla og notaða sem hafa verið skráðir sem bílaleigubifreiðar.

Samkvæmt tölum frá Umferðastofu voru skráðar bílaleigubifreiðar 10.290 hér á landi í júní. Þetta er fjölgun um 37% á einu ári, en á síðustu 2 mánuðum hefur verið 30% fjölgun skráðra leigubifreiða. Þess ber þó að geta, að fjöldi skráðra bíla fer í sveiflum og lækkar venjulega á haustin og veturna. Síðustu 2 ár hefur þó verið greinileg fjölgun þegar horft er fram hjá árstíðabundnum sveiflum

Fjöldi bílaleigubíla á skrá hérlendis eftir mánuðum.

• 1 blogg um fréttina

Bloggað um fréttina

• Ásgrímur Hartmannsson: Fjölskyldubíll framtíðarinnar: