Mikil lækkun var á hlutabréfamörkuðum í Asíu í dag og er helsta ástæðan óvissa um pólitískan stöðugleika á Spáni og Ítalíu.
Í Hong Kong lækkaði Hang Seng vísitalan um 2,27% eftir mikla lækkun á Wall Street í gærkvöldi. Hins vegar hækkuðu hlutabréf í Sjanghaí um 0,20%.
Í Tókýó lækkaði Nikkei hlutabréfavísitalan um 1,90% en á gjaldeyrismarkaði í Tókýó lækkaði gengi evru gagnvart Bandaríkjadal.