Samtök sem berjast fyrir því að Washingtonríki geri hvað það geti til að halda bandaríska flugvélaframleiðandanum Boeing í Seattleborg birtu heilsíðuauglýsingu í Seattle Times í gær með yfirskriftinni „Framtíð Washington“ og mynd af flugvél fyrir neðan. Verst var fyrir samtökin að flugvélin var frá aðalkeppinauti Boeing, Airbus.

Auglýsingin var kostuð af Washington Aerospace Partnership sem eru regnhlífasamtök aðila vinnumarkaðarins, s.s. samtaka atvinnulífs og launafólks, auk pólitískra hópa. Þau hvetja Washingtonríki til að samþykkja kröfur Boeing um ýmsar úrbætur sem verði til þess að flugvélaframleiðandinn geti unnið að verkefnum framtíðar í ríkinu.

Var það því sérlega neyðarlegt að þau hafi haldið því fram að framtíð Washington liggi í A320 farþegaþotu Airbus í stað einhverrar frá Boeing. Talsmaður Airbus hefur staðfest að um A320 vél hafi verið að ræða en fyrirtækið hyggst ekki tjá sig frekar um málið.

Talsmaður fyrir viðskiptaráð Seattle, sem sá um gerð auglýsingarinnar, hefur hins vegar neitað að tjá sig um málið.

Auglýsingin í Seattle Times.

Tengdar fréttir

Airbus

Ætla ekki að gefast upp á A380

• WOW air kaupir tvær flugvélar
• Ná vélinni ekki upp úr hafinu
• Nýr og stærri fljúgandi Mjaldur
• Sjálfskjótandi flugritar í þotur Airbus

» Fleiri tengdar fréttir

• Blogga um frétt