„Besti bankinn“

Tímaritið Global Finance Magazine, sem er alþjóðlegt fjármálarit, hefur valið Landsbankann besta bankann á Íslandi.

Þetta var tilkynnt í New York síðustu viku, samkvæmt því sem fram kemur í fréttatilkynningu frá Landsbankanum.

„Global Finance greinir frá vali sínu eftir að hafa haft náið samráð við bankamenn, starfsmenn á fjármálamarkaði og greinendur um allan heim. Við matið koma til álita fjárhagslegir þættir sem hægt er að mæla nákvæmlega, jafnt og aðrir þættir sem byggja fremur á huglægu mati. Til viðbótar byggir Global Finance í fyrsta sinn val sitt á könnun sem gerð er á meðal lesenda blaðsins,“ segir orðrétt í fréttatilkynningu Landsbankans.