Minna atvinnuleysi í Bretlandi

Atvinnuleysi í Bretlandi mældist 6,9% á fyrsta fjórðungi þessa árs sem er það lægsta undanfarin fimm ár samkvæmt tölum frá bresku hagstofunni. Atvinnuleysi í landinu mældist til samanburðar 7,2% á fjórða ársfjórðungi síðasta árs.

Fram kemur í frétt AFP að almennt hafi verið búist við að atvinnuleysið á fyrsta fjórðungi þessa árs yrði 7,1%. George Osborne, fjármálaráðherra Bretlands, sagði í dag að upplýsingarnar væru afar góðar fréttir. Ásamt tölum um minnkandi verðbólgu væru þær til marks um það að efnahagsstefna ríkisstjórnarinnar væri að skila árangri.

• Blogga um frétt