Sala svissneska matvælafyrirtækisins Nestlé féll um 5,1% á fyrsta ársfjórðungi miðað við sama fjórðung í fyrra. Stjórnendur þessa stærsta matvælafyrirtækis heims kenna gengisþróun og styrkingu svissneska frankans um samdráttinn, enda hafi innri vöxtur verið 4,2% á fjórðungnum.
Sala fyrirtækisins nam 20,8 milljörðum svissneskra franka eða sem nemur 2.660 milljörðum króna.
Greinendur áttu von á samdrætti í sölu hjá fyrirtækinu, meðal annars vegna kuldaskeiðs í Bandaríkjunum og vegna þess að páskar lenda á öðrum fjórðungi í ár.