Netflix hækkar áskriftarverð

Sjónvarpsþjónustan vinsæla Netflix hyggst hækka áskriftarverðið fyrir nýja viðskiptavini um einn til tvo Bandaríkjadali á mánuði á næstu misserum. Í tilkynningu frá fyrirtækinu segir að verðið muni ekki hækka fyrir núverandi viðskiptavini í bráð.

Í frétt á vef CNN segir að nú sé áskriftarverðið 7,99 Bandaríkjadalir, sem jafngildir um 900 krónum, á mánuði.

„Þessar breytingar munu gera okkur kleift að öðlast meira efni og bæta þjónustuna til muna,“ sagði í tilkynningunni.

Hlutabréf fyrirtækisins hækkuðu mjög í verði í kjölfar tilkynningarinnar, eða um 6,5%. Ástæðan er þó helst sú að afkoma Netflix var afar góð á fyrsta fjórðungi ársins og mun betri en greinendur höfðu gert ráð fyrir. 

• Blogga um frétt