Fasteignaverð rýkur upp

Meðalverð fasteigna í Lundúnaborg hefur hækkað um rúmlega fjórðung á einu ári. Slíkar hækkanir á fasteignaverði hafa ekki sést í Bretlandi síðan sumarið 1987, samkvæmt frétt Guardian í dag.

Fasteignaverð í höfuðborg Bretlands hækkaði um 25,8% frá fyrsta ársfjórðungi í fyrra til fyrsta fjórðungs í ár. Talið er að þessar upplýsingar eigi eftir að hafa töluverð áhrif á fasteignamarkaðinn en peningastefnunefnd Englandsbanka lýsti því nýverið yfir að bankinn myndi ekki grípa til aðgerða á næstunni til þess að stöðva þessa þróun.

Upplýsingarnar byggja á tölum um samþykkt fasteignalán hjá Nationwide en hægt er að skoða nánar hér.

• Blogga um frétt