IFS spáir auknum hagnaði Vodafone

IFS greining spáir því að hagnaður Vodafone á þessu ári verði alls 960 milljónir króna, þar af 250 milljónir króna á öðrum ársfjórðungi. Hagnaður félagsins mun því aukast umtalsvert á milli ára, gangi spáin eftir, en hagnaðurinn nam 847 milljónum króna í fyrra.

Vodafone mun birta uppgjör fyrir annan ársfjórðung næsta miðvikudag.

IFS gerir ráð fyrir því að velta félagsins á öðrum ársfjórðungi muni nema 3,3 milljörðum króna og EBIDTA, þ.e. rekstrarhagnaður fyrir afskriftir og fjármagnsliði, verði 800 milljónir króna.

Fyrir árið í heild spáir IFS 13,5 milljarða króna veltu Vodafone og að EBITDA verði 3,2 milljarðar króna.

• Blogga um frétt