Tæplega helmingur ofurríkra Kínverja íhugar flytja búferlum frá heimalandinu, samkvæmt nýrri skoðanakönnun. Helstu ástæður sem þeir nefna eru meiri möguleikar barna þeirra erlendis, svo sem í mennta- og atvinnumálum.
Alls tóku tvö þúsund kínverskir auðmenn þátt í rannsókninni og kom í ljós að 47% þeirra voru að íhuga að flytja til annarra landa á næstu fimm árum.
Flestir sjá fyrir sér Hong Kong, sem er undir kínverskum yfirráðum, eða 30% aðspurðra. Kanada heillar 23% þeirra þrátt fyrir að þar í landi hafi verið dregið úr möguleikum kínverskra innflytjenda að nema land í Ottawa.