WOW rukkar fyrir handfarangur
Setja bókamerki
Flugfélagið WOW air bæði tók upp á því um mánaðamótin síðustu að rukka fyrir handfarangur en einnig var gjald fyrir innritaðan farangur hækkað. Farþegar WOW mega aðeins taka með sér handfarangurstöskur sem vega í mesta lagi fimm kíló án þess að greiða fyrir flutninginn.
Frá þessu er greint á ferðavefnum Túrista. Þar segir að fyrir ári hafi upplýsingafulltrúi félagsins sagt að ekki stæði til að rukka fyrir handfarangur.
Í upphafi mánaðar var reglunum hins vegar breytt kaupa þarf auka handfarangursheimild ef taskan er þyngri en fimm kíló, en hún má í mesta lagi vera 12 kíló.
Gjaldið er 1.999 krónur ef flugtíminn er skemmri en fjórir tímar en annars er gjaldið 2.999 krónur. Þó aðeins ef heimildin er bókuð á netinu. Sá sem greiðir fyrir handfarangurinn á flugvellinum borgar 3.999 til 8.399 krónur fyrir hvern fluglegg.
Þá hefur gjald á innrituðum farangri í lengri flugferðum verið hækkað upp í 4.999 krónur. Það á við um flug til Alicante, Barcelona, Mílanó, Róm, Salzburg, Vilníus. Farþegi sem innritar eina ferðatösku í flug til Spánar og til baka borgar því nærri tíu þúsund krónur aukalega.
Verðskulda allir frambjóðendur jafna athygli?
Vísa mótmælanemendum úr skólanum
Hafa þurft að stugga við fólki
Offramboð á leiðindum í nokkur ár
Atvinnuhúsnæði ekki keypt upp í Grindavík
Rímar „engan veginn“ við Veðurstofuna
3.800 gígawattsstundir af viðbótarorku árlega
Landrisið gæti hafa stöðvast og gosið virðist eflast