Um níu þúsund starfsmönnum breska bankans Lloyds verður sagt upp störfum á næstu þremur árum. Er þetta um einn tíundi hluti af heildarfjölda starfsfólks bankans.
BBC greindi frá þessu í dag og sagði jafnframt að tilkynningar um efnið væri að vænta á næstkomandi þriðjudag þegar þriggja ára áætlun bankans verður kynnt. Í henni felst meðal annars að loka nokkrum útibúum. Er talin að niðurskurðurinn sé til kominn vegna þess að sífellt fleiri eru farnir að stunda öll bankaviðskipti í heimabanka sínum í stað þess að leggja leið sína í útibúin.
Frá því að fjármálakreppan reið yfir á árinu 2008 hefur um þrjátíu þúsund starfsmönnum bankans verið sagt upp. Breska ríkið á um 25 prósent hlut í bankanum en frá september í fyrra hefur ríkið þó losað sig við 39 prósent hlut með tveimur sölum.
Útibú bankans eru um tvö þúsund talsins en 630 útibúum hefur verið lokað frá árinu 2008.