Skjár á stærð við fótboltavöll

Nýjasti skjárinn á Times Square í New York í Bandaríkjunum er með hæstu upplausn í heimi og á stærð við fótboltavöll. Kveikt var á skjánum í fyrsta skipti í gær.

Fyrstu myndirnar sem birtust á skjánum voru af fjöllum, fuglum og skýjakljúfum. Skjárinn nær yfir heila húsaröð, eða frá fertugasta og fimmta stræti að því fertugasta og sjötta. Fjögurra vikna auglýsingapláss á skjánum er talið kosta um 2,5 milljónir bandaríkjadala.

Tæknirisinn Google var fyrstur til að tryggja sér auglýsingapláss á skjánum og verður nýjasta auglýsingaherferð fyrirtækisins sýnd þar frá og með 24. nóvember og fram yfir áramót.

• Blogga um frétt