Bandaríska tölvufyrirtækið Apple segist ekki geta selt vörur sínar lengur til Rússlands vegna þess hvað rúblan er óstöðug. 

Á vef BBC kemur fram að Apple hefur hætt að selja vörur sínar, svo sem iPhone og iPad í gegnum netið til Rússlands í dag en í gær var gengi rúblunnar í frjálsu falli. Í fyrrakvöld hækkaði rússneski seðlabankinn stýrivexti úr 10,5% í 17%. Í nótt var staða rúblunnar enn verri en þá kostaði hver Bandaríkjadalur 79 rúblur. 

Rússneska fjármálaráðuneytið tilkynnti í morgun um umfangsmiklar aðgerðir til þess að reyna að bjarga rúblunni frá frekara falli og hefur hún heldur styrkst síðustu klukkustundirnar.

Í síðasta mánuði hækkaði Apple verð á vörum sínum í Rússlandi um 20% vegna gengisfalls rúblunnar þar sem verðlækkunin hafði þau áhrif að vörur Apple voru orðnar mun ódýrari í Rússlandi heldur en annars staðar í Evrópu.

Það sem af er ári hefur Seðlabanki Rússland sett um 80 milljarða Bandaríkjadala innspýtingu inn á gjaldeyrismarkaði í þeirri viðleitni að bjarga gengi rúblunnar. Það sem af er degi hefur bankinn sett 2 milljarða Bandaríkjadala inn á gjaldeyrismarkaðinn. En þrátt fyrir þetta hefur rússneski gjaldmiðillinn tapað um helming virði síns í ár gagnvart Bandaríkjadal á sama tíma og olíuverð er á niðurleið og viðskiptaþvinganir vesturlanda eru farnar að bíta hressilega á rússnesku hagkerfi.

Á BBC er áhugaverð grafík sem sýnir þróun mála í Rússlandi undanfarin misseri.

Tengdar fréttir

Úkraína

Segjast hafa skotið niður 54 úkraínska dróna

• Rússar fjölga til muna í herliði sínu
• Notar síðustu mánuðina til að efla Úkraínu
• Hernaðaraðstoð N-Kóreu veldur mestum skaða
• Skiptust á stríðsföngum

» Fleiri tengdar fréttir

• Blogga um frétt