2.310 heimili í vanskilum
Setja bókamerki
Heimili í vanskilum hjá Íbúðalánasjóði eru eru 2.310 og þar af eru 100 heimili með frystingu á lánum sínum. Alls voru 4,97% þeirra heimila sem eru með fasteignalán sín hjá sjóðnum með lánin í vanskilum í lok janúar 2015 en sambærilegt hlutfall í lok desember 2014 var 5,49%.
Fjárhæð vanskila útlána til einstaklinga nam 4,1 milljörðum króna í janúar og var undirliggjandi lánavirði 43,5 milljarður króna eða um 7,4 prósent útlána sjóðsins til einstaklinga. Vanskilahlutfallið hefur dregist töluvert saman frá fyrra ári þegar það nam um 10,3 prósentum.
Fjárhæð vanskila útlána til lögaðila nam alls 3,8 milljörðum króna og nam undirliggjandi lánavirði 26,6 milljörðum króna. Tengjast því vanskil 17,92% lánafjárhæðar sjóðsins til lögaðila. Vanskil eða frystingar ná samtals til 9,5% lánasafnsins, en sambærilegt hlutfall í janúar 2014 var 12,42%. Vanskil teljast hér lán í vanskilum umfram 90 daga vanskil og lán sem eru í frystingu.
Meðalfjárhæð lána var 13,7 milljónir
Heildarútlán Íbúðalánasjóðs í janúar 2015 námu 547 milljónum króna, en almenn lán námu um 423 milljónum. Til samanburðar námu almenn útlán í janúar 2014 489 milljónum króna. Meðalfjárhæð almennra lána var 13,7 milljónir króna.
Ávöxtunarkrafa flokka íbúðabréfa HFF24 lækkaði í janúar um 5 punkta, HFF34 hækkaði um 4 punkta, HFF44 hækkuðu um 5 punkta. Heildarvelta íbúðabréfa nam 17,6 milljörðum króna í janúar 2015 samanborið við 12,9 milljarða í desember 2014
Tveir í haldi grunaðir um mansal og smygl á fólki
Erlendir fangar sendir til útlanda?
Búið að fella björninn
Fjarskiptatæki um alla borg sprungu samtímis
Quang Le: „Rottuskíturinn kom mér á óvart“
Lögreglan leitar eftir myndefni í tengslum við andlátið
„Hví erum við dýrasta land í heimi?“
Of margir nemendur og ákall um hæft starfsfólk