Tekjulágir ætla að eyða um fimm prósent meira af heildarlaunum sínum í lokaballið svokallaða sem haldið er í menntaskólum í Bandaríkjunum (e. prom).
Í könnun sem greiðslukortafyrirtækið Visa lét framkvæma koma fram að fjölskyldur sem þéna minna en 25 þúsund dollara á ári, eða 3,4 milljónir íslenskra króna, ætla að eyða að meðaltali um 1.393 dollurum í lokaballið, eða um 190 þúsund íslenskum krónum. Þeir sem þéna hins vegar yfir 50 þúsund dollara á ári, eða 6,9 milljónir, ætla að eyða um 799 dollurum, eða 110 þúsund krónum að meðaltali.
Opinber fátæktarmörk í Bandaríkjunum á árinu 2014 voru árslaun er nema 24.250 dollurum fyrir fjögurra manna fjölskyldu.
Í þessari upphæð er allt sem tengist ballinu innifalið; miði, föt, leiga á limmósíu, blóm, myndataka, matur, gisting ásamt kostnaði sem tengist eftirpartíinu.
Niðurstaðan var svipuð á árunum 2012 og 2013, þ.e. þá ætluðu þeir tekjuminni einnig að eyða meira í lokaballið en á síðasta ári og á árinu 2011 eyddu þeir tekjuhærri meira í ballið.
Þrátt fyrir að stórfé sé varið í gleðskapinn hefur meðaleyðslan lækkað um sex prósent frá fyrra ári.
CNN Money greinir frá.