Curio Office (www.curiooffice.com) er nýr íslenskur hugbúnaður sem heldur á þægilegan og skilvirkan hátt utan um verkefnastjórnun og hvers kyns fyrirtækjarekstur.
Curio hefur m.a. að geyma einfalt bókhalds- og reikningakerfi, gagnsætt og fjölhæft verkefnastjórnunarkerfi, samskiptakerfi, stimpilklukku og tímaskráningu.
Curio var þróað hjá auglýsinga- og vefhönnunarfyrirtækinu Betri stofunni en síðustu áramót var nýtt fyrirtæki, Kreativ Online, stofnað í kringum hugbúnaðinn. Kreativ hefur einnig þróað snotra stimpilklukku á netinu sem má prufa á slóðinni www.curiotime.com, að því er fram kemur í umfjöllun um þessi mál í Morgunblaðinu í dag.