Fjöldi þinglýstra kaupsamninga á höfuðborgarsvæðinu í síðustu viku var 316. Þar af voru 223 samningar um eignir í fjölbýli, 48 samningar um sérbýli og 45 samningar um annars konar eignir en íbúðarhúsnæði. Heildarveltan var 11.645 milljónir króna og meðalupphæð á samning 36,9 milljónir króna. Það eru um 90 fleiri samningar en meðaltal síðustu 12 vikna.
Á sama tíma var 20 kaupsamningum þinglýst á Suðurnesjum. Þar af voru 11 samningar um eignir í fjölbýli og 9 samningar um sérbýli. Heildarveltan var 389 milljónir króna og meðalupphæð á samning 19,4 milljónir króna. Á Akureyri var 15 kaupsamningum þinglýst. Þar af voru 8 samningar um eignir í fjölbýli og 7 samningar um sérbýli. Heildarveltan var 476 milljónir króna og meðalupphæð á samning 31,8 milljónir króna.
Á Árborgarsvæðinu voru kaupsamningarnir 11 talsins. Þar af voru 4 samningar um eignir í fjölbýli og 7 samningar um sérbýli. Heildarveltan var 248 milljónir króna og meðalupphæð á samning 22,6 milljónir króna. Þetta kemur fram í tölum Þjóðskrár.
Fjöldi kaupsamninga á Suðurnesjum, Árborgarsvæðinu og Akureyri voru álíka margir eða örlítið fleiri en meðaltal síðustu 12 vikna.