Núðluhneykslið í Indlandi hafði áhrif á afkomu matvælaframleiðandans Nestle en Maggi-núðlurnar, sem Indversk stjórnvöld létu fjarlægja úr búðarhillum, voru áður ein vinsælasta vara landsins. Nestle á enn í viðræðum við stjórnvöld um að koma núðlunum aftur í búðir.
Sölutekjur fyrirtækisins á fyrstu níu mánuðum ársins drógust saman um 2,1 prósent og námu 68 milljörðum Bandaríkjadala, eða 8.432 milljónum íslenskra króna. Slæmt gengi á Asíumarkaði hafði slæm áhrif á afkomuna að því er fram kemur í tilkynningu frá fyrirtækinu. Þá uppfærði Nestle einnig afkomuspá sína og lækkaði hana. Er nú spáð 4,5 prósent hagnaðaraukningu milli ára í stað 5-6 prósent líkt og áður var búist við.
Matvælaeftirlit Indlands bannaði í vor framleiðslu og sölu núðlanna eftir að prófanir í nokkrum ríkjum landsins leiddu í ljós að óhæfilega hátt magn af blýi var í þeim. Maggi-núðlur Nestle hafa verið seldar í þrjá áratugi í Indlandi og var fyrirtækið með um 80% markaðshlutdeild á hrað-núðlumarkaðnum.
Frétt mbl.is: Höfða mál gegn Nestlé vegna núðla
Frétt mbl.is: Farga núðlum fyrir 6,6 milljarða