Mikil verðlækkun á mörkuðum

Mikil verðlækkun varð á kínverskum hlutabréfamörkuðum í dag og hefur helsta hlutabréfavísitalan í Sjanghæ lækkað um rúm 6%. Ástæðan er að tilkynnt var um rannsókn á starfsemi nokkurra verðbréfafyrirtækja í Kína.

Í Shenzhen lækkaði hlutabréfavísitalan um 6,66% en í Sjanghæ nemur lækkunin 6,11%.

Nikkei-hlutabréfavísitalan lækkaði lítillega í Tókýó en svo virðist sem illa gangi að koma hagkerfi landsins í gang á nýjan leik. Verðhjöðnun og lítil framlegð einkenna japanskt efnahagslíf þessa mánuðina.

• Blogga um frétt