Vöruskiptahallinn 21,3 milljarðar

Vöruskiptin voru óhagstæð um 600 milljónir króna í nóvember og á fyrstu ellefu mánuðum ársins voru þau óhagstæð um alls 21,3 milljarða króna, samkvæmt nýjum tölum frá Hagstofu Íslands.

Í nóvembermánuði voru fluttar út vörur fyrir 51,5 milljarða króna og inn fyrir tæpan 52,1 milljarð króna fob (55,6 milljarða króna cif). Í nóvember 2014 voru vöruskiptin hagstæð um 4,4 milljarða króna á gengi hvors árs.

21,8 milljörðum lakari en á sama tíma árið áður

Fyrstu ellefu mánuði ársins 2015 var verðmæti vöruútflutnings 37 milljörðum eða 6,8% hærra, á gengi hvors árs¹, en á sama tíma árið áður. Iðnaðarvörur voru 53,1% alls útflutnings og var verðmæti þeirra 8,7% hærra en á sama tíma árið áður, aðallega vegna útflutnings á áli. Sjávarafurðir voru 42,4% alls vöruútflutnings og var verðmæti þeirra 8,9% hærra en á sama tíma árið áður, aðallega vegna útflutnings á fiskimjöli. Á móti dróst útflutningur á heilfrystum fiski saman.

Fyrstu ellefu mánuði ársins 2015 var verðmæti vöruinnflutnings 58,8 milljörðum eða 10,9% hærra, á gengi hvors árs¹, en á sama tímabili árið áður. Aðallega jókst innflutningur á hrávöru og rekstrarvöru ásamt flugvélum en á móti dróst innflutningur á eldsneyti saman.

• Blogga um frétt