Samkaup hf. opnaði nýja verslun að Garðarsbraut 5 á Húsavík í gær, föstudag. Verslunin verður rekin á sömu forsendum og Krambúðin á Skólavörðustíg í Reykjavík sem breytt í fyrra og er í senn hverfisbúð og ferðamannaverslun.
Verslunin nýja fyrir norðan er í stórhýsinu sem kennt er við Kaupfélag Þingeyinga, að því er fram kemur í Morgunblaðinu í dag.
Hönnun Krambúðarinnar vísar til íslenskrar náttúru þar sem birki, grjót, hraun og sinugróður er áberandi. Andrúmsloftið er létt með einföldu litavali og upplifunin tekur mið af því. - Vöruval er fjölbreytt og opnunartími langur, segir í frétt frá Samkaupum um verslunina nýju á Húsavík. sbs@mbl.is